Defnyddio Zoom

Gallwch ddefnyddio Zoom drwy eich cyfrifiadur, tabled neu ffôn.  Os ydych yn bwriadu gwylio sesiwn gyfan, rydym yn argymell eich bod yn defnyddio tabled neu gyfrifiadur gan fod y sgriniau gymaint yn fwy. 

Dilynwch y ddolen ar gyfer y sesiwn. 

Os nad oes gennych chi ap Zoom ar eich ffôn, tabled neu gyfrifiadur, cliciwch ar y ddolen.  Bydd hyn yn mynd â chi’n syth i’r sesiwn. Os ydych wedi defnyddio Zoom o’r blaen ac wedi llwytho’r ap, agorwch yr ap a theipio’r cod yn y blwch gwag.  Bydd hyn hefyd yn mynd â chi’n syth i’r sesiwn.

Os nad yw’r sesiwn wedi cychwyn, bydd hyn yn glir ar y sgrin. Peidiwch â phwyso dim byd. Bydd y sesiwn yn dechrau’n awtomatig.

Bydd cadeirydd y sesiwn yn egluro sut mae pob sesiwn yn gweithio ar y cychwyn.  Bydd hefyd yn egluro sut mae modd gofyn cwestiynau a sut i ddefnyddio’r botwm Q&A sydd wedi’i leoli ar waelod y sgrin.

Byddwn yn defnyddio’r fformat Webinar.  Mae hyn yn golygu bod y sesiwn yn debyg iawn i ddarlith.  Fe fyddwch yn gallu gweld y panel / darlithydd ac unrhyw sleidiau / gyflwyniad.  Ni fydd modd i chi weld na chlywed unrhyw un arall sy’n gwrando a gwylio, ac ni fydd modd iddyn nhw eich gweld na’ch clywed chi.  Bydd cyfle ar ddiwedd y sgwrs / darlith i ofyn cwestiynau, a dylech wneud hyn drwy glicio ar y botwm Q&A ar waelod y sgrin a theipio’ch cwestiwn.

Cyfieithu ar a pryd

Bydd gwasanaeth cyfieithu ar y pryd ar gael o Gymraeg i Saesneg

• Os yw rhywun eisiau gwrando ar y cyfieithiad dylent glicio’r symbol glôb ar y bar ar waelod y sgrin Zoom, a dewis ENGLISH (byddant yn clywed naill ai’r cyfrannwr yn siarad Saesneg neu’r cyfieithydd ar y pryd os yw’r cyfrannwr yn siarad Cymraeg). Cofiwch fod oedi o ychydig eiliadau cyn i’r cyfieithu ar y pryd ddod trwodd felly oedwch ychydig cyn dechrau siarad.

Recordio

Bydd y sesiynau yn cael eu recordio, a’i darlledu’n fyw ar blatfform AM. Felly, os oes unrhyw un yn cael problemau o ran cysylltu neu gyda’r cyfieithu ar y pryd, gallant ddilyn y sesiwn arsianel y Gymdeithas ar blatfform AM (cofiwch, serch hynny, na fyddwch yn gallu gofyn cwestiynau trwy AM).

O ran cwestiynau:

• I ofyn cwestiwn, bydd rhaid ddefnyddio’r botwm Q&A. Yno gallwch naill ai deipio eich cwestiwn yn llawn neu ofyn am gael gofyn y cwestiwn ar lafar. Bydd yr hwyluswyr Zoom wedyn yn troi meicroffon y sawl sydd am ofyn y cwestiwn ymlaen, ond nid eu camera.
• Bydd modd defnyddio ‘Chat’ hefyd – ond nid i ofyn cwestiynau i’r panelwyr.
• Bydd modd i’r gynulleidfa glicio’r botwm ‘upvote’, fel bod cwestiynau poblogaidd yn cael eu blaenoriaethu.

Cofiwch gysylltu Sarah neu Gruffydd oes gennych unrhyw gwestiynau neu ymholiadau pellach.