Ydych chi’n Ymchwilydd Gyrfa Gynnar sydd eisiau ehangu eich rhwydweithiau, dod o hyd i gyfleoedd newydd i gydweithio, ac ehangu eich proffil ymchwilio?

Ymunwch â Chymdeithas Ddysgedig Cymru ar gyfer eu Trydydd Colocwiwm Blynyddol Rhwydwaith Ymchwilwyr Gyrfa Gynnar, lle cewch gyfle i:

• Gyflwyno eich ymchwil i gynulleidfa ryngddisgyblaethol gefnogol ac ymgysylltiol
• Datblygu cysylltiadau gydag ymchwilwyr, Cymrodyr y Gymdeithas, gwneuthurwyr polisi, ac ymarferwyr
• Datblygu eich sgiliau drwy amrywiaeth o gyfleoedd hyfforddi a datblygu

Mae rhaglen y Gynhadledd yn cael ei datblygu ar y cyd gan ein Grŵp Cynghori ar gyfer Datblygu Ymchwilwyr rhyngddisgyblaethol, a fydd yn cynorthwyo i sicrhau bod y rhaglen yn bodloni gofynion datblygu proffesiynol ymchwilwyr yng Nghymru. Mae’n bleser gennym bartneru â Phrifysgol Metropolitan Caerdydd i gynnal Colocwiwm ECR eleni yng Nghaerdydd

Anogir ymchwilwyr sy’n gweithio o fewn y byd academaidd a thu hwnt i fynychu Rydym hefyd yn croesawu pobl sydd yng nghanol eu gyrfa i’r Colocwiwm. Bydd cofrestru ar gyfer y Colocwiwm yn agor fis Ebrill.

Bwrsariaethau Llety a Theithio

Bydd y Colocwiwm yn cael ei gynnal dros ddau hanner diwrnod. Mae bwrsariaethau teithio a llety ar gael ar sail y cyntaf i’r felin. Rhoddir blaenoriaeth yn seiliedig ar angen, pellter teithio, ac i gyflwynwyr. Os ydych yn cyflwyno crynodeb i’w gyflwyno yn y Colocwiwm ac angen bwrsariaeth teithio, nodwch hyn ar y ffurflen Cais am Grynodebau. Bydd gwybodaeth ar gyfer Aelodau Cofrestredig Cyffredinol ar gael pan fydd y cofrestriad yn agor ym mis Ebrill 2025.

Dyddiadau i’ch Dyddiadur