Mae’r Athro Dianne Edwards yn derbyn ein Medal Frances Hoggan, 2021, am ei hymchwil i rywogaethau planhigion, sy’n cynnwys y rheiny oedd yn bodoli mwy na 400 miliwn o flynyddoedd yn ôl

Mae’r Athro Edwards yn arbenigo mewn hanes planhigion tir ar y Ddaear, ac mae ei hymchwil yn dangos mewnwelediad i’r broses esblygol lle cytrefwyd y tir gan blanhigion.  Mae ei gwaith ar gofnodion ffosil wedi arwain at adnabod rhywfaint o rywogaethau planhigion tir oedd yn bodoli mwy na 400 miliwn o flynyddoedd yn ôl.

Mae hi’n gyfrifol am enwi llawer o rywogaethau a genera.

Darllenwch fwy am waith yr Athro Edwards.

Wrth dderbyn y fedal, dywedodd Professor Edwards:

“Dros y 50 mlynedd diwethaf, rwyf wedi cael y fraint o dderbyn cefnogaeth gan Brifysgol Caerdydd a gan amrywiaeth o gyllidwyr, i ddilyn fy niddordebau mewn hanes planhigion ar y Ddaear.

“Dwi wedi cael fy nghalonogi gan y wobr hon, ac rwy’n obeithiol y bydd ymchwil o’r fath, a elwir heddiw yn wyddoniaeth darganfod, yn parhau i fod yn bosibl i wyddonwyr ifanc i’w galluogi i fwynhau ei bleserau.”