Mynnwch hyd at £1000 i roi hwb cynnar i’ch prosiect ymchwil
31 Awst, 2023
Mae Cynllun Grant Gweithdai Ymchwil llwyddiannus Cymdeithas Ddysgedig Cymru ar gael unwaith eto wrth i ni barhau i ddangos ein hymrwymiad i ymchwilwyr Cymru.
Mae pymtheg grant hyd at £1000 ar gael i gefnogi cynnal gweithdy a fydd yn dod ag ymchwilwyr ynghyd yn ystod camau cynnar cynllunio a datblygu prosiect ymchwil cydweithredol.
“Nod y grantiau yw creu partneriaeth rhwng ymchwilwyr o wahanol ddisgyblaethau ac o ystod o sefydliadau,” meddai Cathy Stroemer, Rheolwr Rhaglen Datblygu Ymchwilwyr y Gymdeithas. “Gallant ddod o fewn y byd academaidd neu’r sector cyhoeddus, y sector preifat a’r trydydd sector.”
Mae gwaith cydweithredol a rhyngddisgyblaethol wrth wraidd y cynllun. Rhaid i geisiadau hefyd ddod o dan un o’r tri maen prawf canlynol:
- Astudiaethau Cymru
- Ymchwilwyr Gyrfa Gynnar
- Y Dyniaethau, Y Celfyddydau a’r Gwyddorau Cymdeithasol